काठमाडौं, असोज २१
इजरायलमा हिजो भएको आक्रमणमा परि १० जना नेपालीको मृत्यु भएको जनाईएको छ ।
मृत्यु हुनेमा घोडाघोडी–४ कैलालीका नारायण न्यौपाने, जयपृथ्वी–६ बझाङका गणेशकुमार नेपाली, बाउनिया–३ कैलालीका आशिष चौधरी, लेकाम–५ दार्चुलाका दिपेशराज विष्ट, सपही–६, धनुषाका आनन्द साह र मधुवान–१, सुनसरीका राजेशकुमार स्वर्णकार छन् ।
यस्तै पाँचनली–डोटीका राजन फुलारा, लामिखाल–८ डोटीका पदम थापा, सारदा–३ सल्यानका प्रवेश भण्डारी र मालिकार्जुन–४ दार्चुलाका लोकेन्द्र सिंह धामीको पनि मृत्यु भएको छ ।
प्यालेस्टाइनी बिद्रोही हमासले शनिवार इजरायलमाथि आक्रमण सुरु गरेको थियो । हालसम्म ५ हजारभन्दा बढीको संख्यामा रकेट आक्रमण गरिसकेको अन्तर्राष्ट्रिय सञ्चारमाध्यमहरूले जनाएका छन् ।
