काठमाडौँ/ चलचित्र ‘पुजार सार्की’को पहिलो पोस्टर सार्वजनिक भएको छ । उक्त पोस्टरमा फिल्मका तीन नायक आर्यन सिग्देल, प्रदीप खड्का र पल शाह रहेका छन ।
जातीय विभेदको कथामा आधारित सो चलचित्रमा आर्यन र पलको ‘गेटअप’ गाउँले परिवेशको छ ।
प्रदीपको पात्र भने पोस्टरबाट अनुमान गर्न गाह्रो छ । उनले लामो कपालमा माथि पुरानो टोपी लगाएका छन् । माघ १६ बाट छायांकन गर्ने भनिएको यो फिल्मको निर्माण टोली ‘लोकेसन’मा पुगिसकेको छ ।
किङडम नेटवर्कको ब्यानरमा बन्ने यस फिल्ममा अन्जना बराइली र परीक्षा लिम्बूको पनि अभिनय रहनेछ । विकास सुवेदीको लेखन रहेको यो फिल्म दिनेश राउतले निर्देशन गर्दैछन् भने सुवास भुसालको लगानी रहेको छ ।
