अप्रिल-२५,माल्टा
युरोपमा रहेका नेपाली पत्रकारहरुको साझा छाता संगठन नेपाल पत्रकार महासंघ युरोप शाखाको पाँचौँ अधिवेशन आगामी मे १ तारीख हुने भएको छ ।
नेपाल पत्रकार महासंघ यूरोप शाखाको यही अप्रिल १८ तारिख अध्यक्ष प्रेम परियारको अध्यक्षतामा बसेको कार्यसमितिको पूर्ण बैठकले विश्वमजदुर तथा श्रमिक दिवसको अवसर पारेर अधिवेशन गर्ने निर्णय गरेको हो ।
बैठकले महासचिव द्रोण रिजालले सांगठानिक प्रतिवेदन,उपाध्यक्ष राजकुमार थापाले विधान संसोधन प्रतिवेदन र कोषाध्यक्ष ईन्दिरा चाम्लिङ्गले आर्थिक प्रतिवेदन पेश गर्ने गरी जिम्मेवारी दिएको छ।
बैठकबाट अधिवेशनका लागि निर्वाचन समिति समेत गठन गर्ने र महासंघको केन्द्रसंग आवश्यक समन्वय एवं सहकार्य गर्नका लागि अध्यक्ष प्रेम परियार, बरिष्ठ उपाध्यक्ष केजिन राई र महासचिव द्रोण रिजाललाई जिम्मेवारी दिने निर्णय गरेको छ।
युरोप शाखालाई एक्यवद्ध बनाएर अगाडि बढाउन शाखामा आवद्ध, अन्य शाखाबाट स्थानन्तरण भएर आएका र नयाँ सदस्यहरुको सदस्यता अपडेट गरी स्वीकृतका लागि पठाउने निर्णय समेत गरेको छ।
उक्त अधिवेशन भने भर्चुअल(ZOOM) माध्यमबाट बृहत रूपमा गरिने नेपाल पत्रकार महासंघ युरोप शाखाले जानकारी गराइएको छ।
